ولاه ايه : Feb 5, 2008

حاجه غريبه لا حاجات غريبه المهم انى عايز اقف فى ميدان عام وازعق واقول كفايه حرام ده ظلم افترى والله حرام كفايه كده الدنيا ولعت اتخنقنا ارحمونا بقى حسوا بينا اه وازاى تحسوا منتوا شبعنين جعانين ؟؟؟ شبعانين مجوعنا وجعانين لسه بتكلوا فينا كفايه بقى عليكوا محدش بياخد حاجه معاه ياولاد الازينه كفايه عمايل فينا احنا اتهرينا ....امبارح وكان اللقاء المنتظر بتاع مصر ومش عارف زفته تانيه كده عشان الزفته الافريقيه المهم انا كنت رايح الشغل مكنتش عارف ان فيه زفت كوره وكان معادى فى الشغل 6 وانا خارج من البيت 5 المشوار مش بعيد من الهرم للكورنيش المهم وقفت استنى حاجه تودينى الشغل ابص شمال ناس كتير واقفه.. يمين ناس كتير واقفه ..الناحيه التانيه الناس واقفه والعربيات كلها فوووو....ه.. بتجرى فوووو...ه.. الله ايه الحكايه نص ساعه مفيش غير عربيات بتجرى والناس مشعبطه الله الله فى حاجه غريبه انا كنت واقف على المحطه بتاعت الاتوبيس عدت ساعه ......الله... ده مفيش اتوبيس عده ايه الحكايه الموضوع كبير وعمال يكبر.... المهم انا قلت انا هركب مش هتأمر اى حاجه.. رايحه ناحيه اى حته.. المهم تكون قريبه.... رمسيس ....مفيش؟... مؤسسه؟؟؟ ....الله ...جيزه؟؟؟؟... ياولاد ال.....رمسيس الحمد لله ولسه هركب قام واحد زق وركب مع انى انا الى وقفت الميكروباص اقوله ..ياعم انا الى كنت هركب ياأخ يابنى ادم .ياحمار كان نفسى يرد عليا المهم مشيت العربيه ...وفضلت واقف طيب يابنى ادمين الله يخرب بيت الماتش الى هيخصملى يومين ..ايه الحلاوه ديه العربيات كانت بتجرى بس موجوده دلوقتى مفيش عربيات ياحلاوه ..ياحلاوه...ياحلااااااواااه..اشطه على الماتش وجماله والى عمله فيه امال بقيت الناس الى واقفه ديه هيحصل معاهاه ايه ....وسمعت صوت واحده ست عجوزه ....يابنى ..يابنى ..انت عايز رقم كام هه عايز رقم كام ..رقم ايه ياحاجه ..هتروح فين يابنى هه ..قلت اناهركب حاجه رايحه للكورنيش عند الاذاعه والتلفزيون ..قالت طب يابنى لو اتوبيس 958او900ومش فاكر كام جه قلتى يابنى انا هنا والشمس طالعه وعايزه اروح وبقالى كتير ومحدش رايح شبرا ومحدش عايز يخدنى معاه ..الله يخرب بيت الهيئه هى ده هيئه فين الهيئه ديه..هما فين ..هما فين..قلتلها ياحاجه فيه ماتش ....ماتش ايه يابنى احنا يعنى هنفضل طب هو لسه شغال المهم وبعد ساعه بعد الساعه الى وقفتها ..واخيرا اتوبيس اه افتكرت 934جه اشطه ياحاجه بختك حلو ...اقف ..اقف ياعم وقف وجينا تركب الحاجه والافندى واحنا بنركبها مشى ..الحمار مشى عايز يلحق الماتش ولا ايه ..الحمار مشى ورجل الحاجه اتعلقت فى الباب الى اودام من الاوتوبيس..عشان مكنش فيه مكان من وراه تركب نهائى بتاتا ...وقعدت اخبط فى الاوتوبيس كانه شخص ..بنى ادم يعنى..عشان يقف يابنى ادم اقف ياعم ..وقف واحنا انا وشخص اخر جرى لما شاف الحاجه بتمثل فيلم الارض بدون موسيقى لما الافندى مشى بالاوتوبيس ومكنش على باله..وكان الشخص الاخر معاياه بيشيل عبد الهادى معاياه قصدى الحاجه واحنا بنشيل... الحمار كان برده مش واخد باله وعايز ...يمشى مش على باله ولا شايف ركبت ولا لا وهى وقعت تانى وصوتت..صوتت.. وهنا وقف ..اخيرا بعد الصوات اخد باله ان الموضوع كبير كبير..وواحد كان محشور على الباب واخيرا مد ايده بعد دققتين واكثر لما افتكر وقال خشى ياحاجه خشى فين تعالى وخلاص ومشى عم الاوتوبيس وانا لسه واقف شغال مع نفسى مع ان الشارع فاضى يامعلميين....جيزه...مؤسسه...تحرير...رمسيس...زهقت اتصلت بمديرى وطبعا كان بيتفرج على الماتش والى ميعرفشى يقول حواوشى ..ايوه يابيه.. انا جى ..طيب يابيه اخيرا خت البهويه...ولما زهقت قوى قوى ..قوى قوى..وحسيت ان الوقت اتأخر وان الفجر كأنه هيأذن كأنى الساعه 4الفجر قلت لا ...لا..هروح ...هه..ولما رحت الشغل تانى يوم عرفت انى اتخصم ؟؟؟علياه 4أيام؟؟ ...طب حرام ولا حلال ؟؟؟عشان مين الحاجه تتبهدل؟؟؟؟ والزبون يتروق ويتظبط ويتخصم له؟؟؟؟؟ ...فعلا الكوره اجوان ..ياناس حرام الى بيحصل لو كنت اعرف ان في حرب حصلت يومها .. كنت قعدت فى البيت واشتريت بجنيه وربع لب اسمر و50 فول سودانى وقعدت انا والوليه وخصم بخصم وكنت برده مش عايز اشوف الزفت الى اسمها الكوره..الى جابت لنا الكافيه.. وشكرا لحسن استماعكم والى اللقاء فى الخصم القادم ...اسف الماتش الى جاى ...ملحوظه ..يارب ماناخد الكاس لو الفلوس ديه مجتليش اخر الشهر ..يارب ..يارب..وانا هقطع اى كوره هشوفها لمده 3ايام..ولو مع عيل صغير برده هخدها وهقطعا ..ولو حته عيط..خبوا كوركوا عشان انا هنتقم ليه وللحاجه..... ..