今日一起身已經差不多11點, 比預算時間足足遲左成3個小時. 我地好快咁執拾好行李, 以免再拖遲行程. 我地酒店早餐都無得食, 只可買個麥當當做便當上車食. 1個半小時既車程好快就到喇. 到左"登別"0既車站我地先安置好D行李,跟住就坐巴士上"地獄谷". 點知剛剛走左架車, 唯有在車站呆等左差不多一個小時.

0係車站無聊扮0下車長先得.再同熊熊影返張相先.

終於架車黎喇. 車程20分鐘左右就到我地目的地. 我地落左車之後, 就跟住D指示牌行.

到達"地獄谷"了.

影完相, 我地就開始我上山.

行到上山頭, 同老公坐0係度休息下先.

休息完, 我地要原路回程. 去到巴士架車又剛剛走左,咁我地坐的士返去JR站. 點知架車要延遲到站. 總知食完野先去車站唔駛咁趕啦..

由"登別"去"富良野"差不多要3個小時. 去到已經天黑哂. 返到酒店即刻返房放低行李之後就要起行去醫肚. 我地去左一間華石料理食, 呢餐都OK. 食飽飽我同老公就0係個渡假村散步. 渡假村呢幾日舉行冰村. 冰村係全部用冰來做, 入面有一個一個蒙古包, 蒙古包入面有教堂,商店,bar等等. 出面仲有滑梯, 全部都係冰來做.

同老公拍完拖拖之後返酒店要休息下.

第三日完.